Изјава, СДСМ
Мирјана Костадиновска, секретар на ЛК СДММ Битола
Битола, 08.05.2012 година
Почитувани,
Социјалдемократската младина на Битола го слави својот јубилеен дваесетти роденден. Тоа значи, 20 години силна и недвосмислена заложба за универзалните вредности како што се: еднаквоста, солидарноста, социјалната правда и стремеж кон унапредување на положбата на младите во сите свери на живеење.
Како млади социјалдемократи, нашата програмска определба ја остваруваме во три значајни полиња: социо-општествено, едукативно и хуманитарно поле.
Оваа година одбележувајки го нашиот јубилеј организираме „Недела на Социјалдемократијата“ во која се предвидени, низа активности: хуманитарни акции, културни и спортски манифестации, трибини и работилници, се со цел промовирање на нашите социјалдемократски вредности, кои и тоа како се потребни во нашето општество.
Ги повикуваме сите млади, од нашиот град, без разлика на нивната национална, верска и етничка припадност или политичка определба, да ни се приклучат во нашите активности, бидејки само на тој начин ќе покажеме дека сме единствени во она што нам не поврзува, а тоа е младоста, ќе покажеме дека сме европска младина.