НАЈНОВИ ВЕСТИ

E - Информатор


Активности

(ВИДЕО) Дебата: Правиме коренити промени во образованието

Почитувани граѓани,

Над урнисаниот образовен систен подигнуваме образование по успешни европски модели што одговараат на приликите во Македонија. Нема да има истрауматизирани деца, родители и наставници, го намалуваме бројот на предмети во основното и средното образование и обемот на наставата. Ги укинуваме екстерното тестирање и високите казни. Го враќаме задолжителното предучилишно образование за децата, важно за нивниот развој. Ги враќаме достоиството и автономијата на универзитетот. Градиме студентски центар и помагаме во кревање на студентскиот стандард. Воведуваме програма Гаранција за младите што овозможува секој млад човек во период од четири месеци по завршувањето на школувањето да добие понуда за вработување, можност да го продолжи образованието, пракса, тренинг.

Ова е дел од визијата на СДСМ за модерно и квалитетно образование, достапно за сите, што претставници на СДСМ ја споделија со граѓаните на денешната дебата во Скопје.   

На дебатата се обрати и Јухани Нокела, советник за образование од Финска, една од земјите од чиишто искуства се води СДСМ во поставувањето на образовниот систем во Македонија. Ми се допадна вашата пларформа, има визија, тоа е суштинско, коментираше гостинот од Финска. Во дебатата учествуваа и млади луѓе, професори, педагози, претставници на граѓански организации, невладиниот сектор, чии предлози, идеи, сугестии се земени предвид во заокружувањето на Програмата на СДСМ.  

 

 

 

 

среда, 04 ноември 2015




СДСМ