НАЈНОВИ ВЕСТИ

E - Информатор


Соопштенија за јавност

Нови задолжувања на граѓаните, Ставрески сака парите да ги користи во предизборни цели

Соопштение за јавност



Власта на ВМРО-ДПМНЕ во заминување продолжува безобразно да ги задолжува граѓаните со нови и нови долгови.
 
Во текот на вчерашниот ден, избегнувајќи ја контролата од СДСМ, Зоран Ставрески на најбезобразен начин ги задолжи граѓаните на Македонија со нови 13 милиони евра.
 
Ставрески го направи најочајниот потег и ги зголеми каматните стапки на државните записи и обврзници, само за да обезбеди што повеќе средства за желботеките на неговиот кумашин, поранешниот премиер Никиола Груевски, на товар на идните генерации.  
 
Според објавените проспекти, каматната стапка на едногодишните државни записи на претходната аукција била 2,50% а на вчерашната е 2,60%. Кај државните обврзници со рок на отплата од 15 години, на претходната аукција каматната стапка била 4%, а на вчерашната е 4,30%.
 
Со само две аукции и задолжувања Ставрески реализираше 9% од планираниот дефицит за цела 2016 година.
 
Ова ново задолжување е во пресрет на очекуваната одлука од Управниот суд по тужбата што преку дополнителниот заменик министер Кире Наумов ја поднесе СДСМ, откако стариот состав на Државната изборна комисија го отрфли барањето за ставање вето на домашните задолжувања повисоки од раздолжувањата.
 
Бидејќи до наредната аукција, според календарот, не доспеваат државни хартии од вредност за враќање, јасна е намерата на Зоран Ставрески овие пари да ги користи во предизборни цели.
 
Ова е доказ за намерите на Никола Груевски којшто се плаши и бега од фер и демократски предизборен и изборен процес.


Скопје, 21.01.2016               

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА


четврток, 21 јануари 2016




СДСМ